ТОВЧ МЭДЭЭ
Улсын математикийн II олимпиадын дүнгийн хурал 4 дүгээр сарын 1-нд Монголын пионерийн ордонд болов.
Улсын математикийн II олимпиадыг зохион байгуулах хорооны дарга, математикийн ухааны дэд эрдэмтэн Л. Шагдар хурлыг нээж, олимпиадын дүнгийн тухай илтгэлийг, зохион байгуулах хорооны орлогч дарга, доцент Санжмятав тавив.
Түс оронд социализмын материал техникийн баазыг амжилттай байгуулж байгаа уед математикийн талаар өндөр мэдлэгтэй боловсон хүчнүүд ихээр шаардагдаж байгаатай уялдуулан математик заалтын байдлыг улам дээшлүүлэхийн чухлыг илтгэгч онцлон тэмдэглээд математикаар сурагчдын дунд зохиох олон хэлбэрийн ажлыг чанартай явуулж байх нь зүйтэй гэв.
Оюун ухааныхаа хурц мэргэнийг сорин үзэлцэх энэ тэмцээний сүүлчийн даваанд аймаг хотуудаас шалгаран ирсэн 32 сурагч оролцож сурагч бүр өдөрт дөрвөн бодлого бодсоноос нийслэлийн 10 жилийн 2 дугаар сургуулийн сурагч Оюун 31 оноо авч I байр эзэлж улсын математикийн II олимпиадын аварга боллоо.
Завхан аймгийн С.Ваша 28.5 оноо, Говь-алтай аймгийн Я.Зинамэдэр 26 оноо авч II байр; Нийслэлийн 1 дүгээр дунд сургуулийн сурагч Д.Билэг 24 оноо, Баянхонгор аймгийн С.Бумцэнд 23.5 оноо, Нийслэлийн 21 дүгээр сургуулийн Л.ТОгоохүү 23 оноо, Налайх хотын 10 жилийн сургуулийн Д.Инчинноров 22.5 оноо, Булганы Ч.Лхагважав, Өмнөговийн Содном нар 21 оноо, Дорнодговийн Ц.Адьяа 20.5 оноо түс түс авч III байр эзэллээ.
Улсын математикийн II олимпиадад амжилттай оролцсон сурагчид, мөн сурагчдаа олимпиадад сайн бэлтгэж оролцуулсан нийсләлийн 1,2 дугаар сургуулъ, Завхан, Говь-алтай, Баянхонгор аймгийн төвийн 10 жилийн сургууль, Нийслэлийн 2 дугаар сургуулийн багш Янжмаа, Завхан аймгийн төвийн 10 жилийн сургуулийн багш Ламжав, Говь-алтай аймгийн төвийн 10 жилийн багш Монхор, Нийслэлийн 1 дүгээр сургуулийн багш Содном, Баянхонгор аймгийн төвийн 10 жилийн сургуулийн багш Борис нарыг Гэгээрлийн Яам, МХЗЭ-ийн Төв Хороо, Соёл гэгээрлийн ажилтны Үйлдвэрчний төв Хороонос диплом, баярын бичиг, үнэ бүхий зүйлээр шагналаа.
Түс хурал дээр Гэгээрлийн яам сайд Д.Ишцэрэн улсын математикийн олимпиадыг уламжлал болгон явуулж байгаагийн ач холбогдлыг онцлон тэмдэглэж, олимпиадад сурагчдаа сайн бэлтгэсэн сургууль, багш нарт баяр хүргээд дараагийн олимпиадад улам өндөр амжилт гаргахыг хүсэв.
Эх сурвалж: 'Сурган хүмүүжүүлэгч' сэтгүүл.
Сүүлийн засвар: 2026-08-19, Нийтэлсэн: 2026-08-19